“Lo somrís de la magrana”, CD de Adrià Mor
Lo somrís de la magrana (‘su risu de s’arenada’) est su tìtulu de su discu nou de Adrià Mor, cantadore de Bartzellona. Su traballu est ambientadu in is paesàgios de Sardigna e de is Paisos Catalanos, e includet cantzones in catalanu de Bartzellona, in catalanu aligheresu e in sardu.
Su CD tenet is collaboratziones de Joan Garriga (Dusminguet, La Troba Kung-Fu, Mariatxi Galàctic) e Marià Roch (Jarabe de Palo, La Troba Kung-Fu), intre àteras.
Lista de cantzones:
- Amor i ressaca a l’Alguer
- Beni cun me
- Abrùgiat Casteddu
- Decoloniza·ti, sarda [cun Joan Garriga]
- Cant alguerès (massa gent sense casa)
- Sarda i trista
Lo somrís de la magrana est unu traballu de cultura lìbera (cun lissèntzia Creative Commons BY-SA 4.0 int) chi podet èssere iscarrigadu de badas dae su situ web www.adriamusic.cat.
Sa colunna sonora de una trasmissione RAI
Is cantzones de su CD serbint puru comente colonna sonora a Adrià – Beni cun me, una trasmissione chi pigat su nòmine de una de is cantzones de Lo somrís de la magrana. Sa trasmissione, una road movie a s’iscoberta de su patrimòniu linguìsticu e culturale de s’ìsula, est cumposta de ses puntadas, una pro onniuna de is lìnguas de Sardigna:
Puntada 1: Casteddu (sardu)
Puntada 2: Artzipèlagu de Sulcis (lìgure tabarchinu)
Puntada 3: S’Alighera/l’Alguer (catalanu aligheresu)
Puntada 4: Sàssari/Tàtari (turritanu)
Puntada 5: Gaddura (gadduresu)
Puntada 6: Nùgoro (sardu
Sa trasmissione —prodùsida dae EjaTV e Terra de Punt— tenet una frecuèntzia chidajola, e sa prima puntada at a èssere emìtida su 3 de ghennàrgiu 2021 in RAI Sardigna.
Crèditos
Lo somrís de la magrana, 2020
Mùsica e testu: Adrià Mor
Adrià Mor – chitarra e boghe.
Charly López – percussione: «Decoloniza·ti, sarda», «Cant alguerès».
Joan Garriga – fisarmònica: «Decoloniza·ti, sarda».
Marc Serrats – chitarra elètrica: «Amor i ressaca a l’Alguer», «Beni cun me», «Abrùgiat Casteddu», «Cant alguerès».
Marià Roch – bàsciu, percussione minore.
Martina Massip – boghe: «Amor i ressaca a l’Alguer», «Sarda i trista».
Produtzione: Marc Serrats, Marià Roch.
Registradu in is istùdios La Fournier (la Garriga, Catalugna), argiolas 2020.
Illustratzione: Michele Ibba [ibbami @ gmail.com].
«Amor i ressaca a l’Alguer» est istada registrada gràtzias a su finantziamentu de sa Delegació de l’Institut d’Estudis Catalans in s’Alighera e a sa Plataforma per la Llengua de s’Alighera.
Torramus gràtzias a Francesc Ballone pro sa consulèntzia linguìstica in aligheresu.
