Ieri e specialmente oggi 17 gennaio, in Sardegna vengono accesi i falò in onore di Sant’Antonio Abate, il carnevale può iniziare. In un paese del nuorese, Ovodda, si prepara da sempre per l’occasione “su pane ^un sapa“, in onore del Santo, che si può mangiare solamente dopo la benedizione e festeggiare fino al mercoledi delle ceneri il particolare carnevale “Su mehuris de lessia”.
Questo il ricordo da bambina, in limba Ovoddessa, di Pierina Vacca, insegnante di Ovodda, di un carnevale che ancora resiste nelle sue più profonde usanze e tradizioni.
–
Arre^ordos de pitzinnia.
Oje die de ghesperu, de tufera e de pane ^un sapa.
Unu tempusu ,in die de oje, de bonu, mantzanu su bandidore ghettavada sa grida po avissare sa tzente de che ponnere in su leminartzu sa linna po ^a sor de bona voluntade ^olavana a che la pi^are po sa tufera.
Derettu in cada pratza che vo^avana truncheddos, arradi^inas, arramos, allumadortzu, su ^i cadaunu podiada.
Sa hesta de Sant’Antoni hudi ispettada ; sa tzente, apustisi de messes de pausu, non bidiada ss’ora de essire dae su hoile ; sar dies incuminzana a esse pa^u pa^u prur longasa, sa lu^e ha hattu unu passi^eddu ‘e pudda, imbujada prus tardu, este arribande arrasse^re e su massaju incuminzada a penzare a su beranu;
abellu abellu es tempusu de torrare a ha^ere carchi ghertza.
Po Sant’Antoni, sa cassione prima in cada ungrone ‘e vidda, mescamente a merie, s’intendiana sonos e nusos de hesta: s’ammaniu de su ^ivu: che se^avana sa nentzola, sa mendula e sa nu^e; c’aviana ^omporau, dae sa tzia de Ardaule sa sapa, sa papassa e sa hi^arda, assutau su pitzolu de aranzu, pronta sa matafalua. Dies prima arridavana su ^ivu, cri^avana su horru po lu co^ere e che l’intruttavana, prontu po esse ^ottu, 3 o 4 dies prima de sa sa hesta.
Una vorta ^ottu, assentau in sa ^anistedda, beniada bene ammantau a depiada isfrittare abellu abellu e sighire a co^ere. Sideumente su pilocheddu tenede s’anima in s’ocru, sa ^anistedda bene ammantada che la piavana a sa salitta, gai ne biede e ne peccada.
In tottu sa domo s’ispainavada nusu de ^ossa vona : de sapa, de matafalua e de hesta; peroe prima de esse benedittu non si podiada assatzare e incumentzavada su dissisperu de sos pilocheddos.
Su 16 a merie, ^ando sass’àmpanas sonavana a hesta po su ghesperu, sa tufera che hudi allutta e su preide bestiu de hesta: abellu abeullu sa tzente sortiada, mannos e minores, mascros e heminas, tottusu a cresia a si nono nudda pane ^un sapa.
Apustis de sa funzione tottusu a hurriu de sa tufera po sa benedizione: parede ^i lu soe biende su preide ^un sa secula “benedico il fuoco, il pane e tutti voi” “E su pane ^un sapa?”
Deo penzavo ^i po sa benedizione depiana battire cadauna sa ^anistedda sua ^un su pane ^un sapa e non ^umprendio puite no si depiada assatzare prima, boh!
Mortor de frittu, ma ^untentos si torravada a domo po se^are su primu pane ^un sapa “una hitti^edda ibbia a si nono non chenas”; de ^antu hudi ispettau e bonu nor linghiavamos hinzas sos podi^es.
^ando hui prur mannitta po istudiare m’aviana mandau a Aristanis e po cada hesta mamma mi mandavada sor durches e duncas hinzas su pane ^un sapa; bonu e agradessiu peroe, non hudi ^ussu ^i ispettavo in domo; ^omo nde podio mandi^are ^antu e ando volio, hitta manna o minore ma mi mancavana sos sonos, sor nusos, su manitzu, su ghesperu, s’ispettare, sa hesta.
Sa ^ossa ispettada, negada, dissitzada e dada a su momentu zustu, tenede sempere un’ateru gustu: es prusu agradessia!
